عم مرعي وأجمل حوار علي قناة صفاء النفوس

عمى مرعى واجمل حوار على قناة عذب الكلام

النهــارده معـانا في برنامج صبح تاتا اتنين فى تلاته ع قناة عذب الكلام عم مرعي
المذيع :هاي عم مرعي
عم مرعي: هاي ؟؟! ايه هاي دي ؟ وعليكم الهاي يا ولدي

المذيع= هاسئلك على حبة مصطلحات و تقولى معناها نتبدى؟


عم مرعي=تحت امرك ياغالى

عملية السلام: عملية سهلة زى عملية اللوز كده يا باشا

غسيل الاموال: عملية بتضايق الواحد اوى ياباشا لما يقلع هدومه عشان تتغسل و يكون ناسى فيها المحفظة بتاعته نكتفى بهذا القدر و نلتقى بعد الفاصل

التغيير:و لا مؤاخذة يعنى مش لما بيغيروا للعيل لما يكون مبلول

طب
الحضارة:ايوه يا باشا مش ديه الى بنخشها و احنا صغيرين الى فيها كى جى 1 و كى جى 2

الجمهورية : مش ده الجرنان ابو 75 فرش ده و لا بجنيه تقريبا يا باشا برضه

و البيئة: شتيمة بتتقال لاى حد من منطقة على قدحالها

و المصريين: لا سهلة اوى ديه يا بيه مش ديه جبنة تلاجة
طيب

جامعة الدول العربية: تقريبا كده دى جامعة خاصة ما بتخدش مجموع عالى

رمسيس التانى :يا يابيه اى مكروباص من عالناصية هنا هينزلك مكان ما انت عايز فى رمسيس

شهادة الايزو :اهى دى بقى الى بتاخدها لما تاخد البكالوريوس من جامعة الدول العربية

العمل بالسياسة: ايوه يا بيه ديه بتتقال على الى بيشتغل سايس فى جراج

صندوق النقد: حاجة كده زى صندوق الزبالة يادى النيلة

المبايعة:ورقة الواحد بيكتبها لما يبيع عربيته القديمة و لا البيت الملك بتاعه

سلام عادل و شامل: طب عادل و عرفناه مين شامل ده بقي
الارهاب: نوع من السلطات بيتقدم مع الكباب

الشريط الحدودى : تقريبا الشريط الى جاى بتاع عمرو دياب

عصر المعلومات: العصر الى بتاخد فيه الى انت عاوزه اذا دفعت المعلوم

الخصخصة: مش بتاعت شم النسيم ديه الى بعد ما تاكل الفسيخ و الملانة

الاهرامات : لا سهلة اوى ديه يا باشا مش الاربعة الى شبه الجبنة النستو دول و بالامارة كمان جمبيهم تمثال ابو عزة الى هو منه راجل و منه قطه مش كده

قصور الثقافة: ديه بقى البيوت بتاعت الناس الاكابر الله يسهلهم

قناة الجزيرة:تقريبا كده فرع من قناة السويس

العولمة : عملية فنية محترمة تحت ادارة فيفى عبده و سهير زكى

الشفافية: من اهم صفات الهدوم المستخدمة فى العولمة

طيب المرشح : دي بتتقال على الحاجة الى بتبوظ فى الحمام و بنجبلها السباك

التصويت : الى بتعمله الستات لما حد بيموت عندهم

التزوير : تاخد الحتة بتاعتك تزورو مكان فيه هوا كويس كده

حرية النشر: بتعملها الستات على حبال الغسيل فوق السطوح

التعمير : اهى ديه بقى يا باشا لما نغير الحجر للشيشة فى الغرزة
والعمل الثورى : مذكر العمل البقرى

قطاع الاعمال : دى حاجة غير قطاع الطرق تقريبا

احمد زويل: صنع فى مصر و تقفيل بلاد برة

التربية:كانت زمان مسئولية وزارة التعليم دلوقتى مسئولية تجار المواشى

القانون: الة موسيقية بتطلع اصوات حلوة

دستور : اللهم احفظنا يا باشا لما يبقى فى بيت مسكون اهله بيقولوا الكلمة ديه للاسياد

طيب التاريخ :مادة بيخدوها العيال فى المدارس

و العراقة : الى بيلبسها بتاع التنس يا باشا عشان ينشف فيها العرق

و الاصالة :يا باشا دى مرات طارق العريان و بلاش نجيب سيرة الناس

طيب التحف : دى شتيمة كانوا زمان يا باشا المدرسين بيقلوهلنا فى المدرسة

و الانتيكة : يا عالتفاهة يا باشا الى بتمسح بيها لما تكتب بالرصاص

طيب السياحة : اهى ديه يا باشا ساعة ما حد يعمل حاجة مش كويسة نقوم نسيحله و نفضحه بقى

و القلعة: لا مواخذة يا باشا دى كلمة عيب بتتقال على الحد الى لابس من غير هدوم
المذيع:كان معـانا عم مرعي الي قلنا معلومات هامه جداً بنشكر عم مرعي ع القاء شكرا ياحج
عم مرعي:غووور بردوا

كان معانا عمى مرعى يارب تكون استفدتو زى ما انا كمان استفدت